Life or death..??

Mulaakat kuchh aesi rahi hai meri zindagi se

na main use samjha na wo mujhe samajh paayi

aksar dono ki raah alag hi rahi hai

usne mele dikhae or mujhe mili tanhai

bikhar - bikhar ke sambhalne ki chaah mein rahe

e yaaro khatam karo ab ise, mujhe maut ke hawaale karo bhai...

Ye Panne meri kitaab ke hain...

kuch peele aur kuch neele hue

kuch ukhde hain aur kuchh mude bhi hain

ye panne meri kitaab ke hain

kai baar palte kai baar maile hue

kabhi syaahi mein dhule kabhi chai ka ghoot bhara

kitni baar ukhde hain inko bhi pata nahin

kabhi apne lage to kabhi mehmaan se hain

ye panne meri kitaab........

likhte bhi hain inpe aur mita bhi dete hain

kabhi gusse mein inko jala bhi dete hain

phir kabhi inhen dil pe laga kar bhi soya hain

raat aur din se farak nahin ye yunhi bezubaan se hain

ye panne meri.............

saath na chhoda kabhi sab duniya chhod gaye

unke bhi kisse inn panno ki zubaan pe hain

kisi humsafar se kamm nahin bas ek saamaan se hain

ye panne meri kitaab.........

kabhi nakaab mein the ab duniya jaan gayi

ke hum is syaahi aur panno mein ghire hain

ye sab barke unke liye farmaan se hain

ye panne meri kitaan ke hain...

likhna seekho dard ko kubool karo

mat socho ye sab kalpana hain andar ki

likhne ka koi bhi usool nahin dosto

isiliye shayad ye shayar insaan se hain

ye panne meri kitaab ke hain...

Aakhri Alvida

Tu jab na tha tab tujhe maanga maine

tu jab mila to main kisi aur ka hoon

tujhe dhoonda tha to main is chhor ka tha

tujhe paaya to main us chhor ka hun

kabhi aaya kabhi gaya tu sab kuchh le gaya

abhi main hi bacha hun magar kamjor sa hoon

kaata hai kathin waqt tere aane jaane ke beech maine

ab kaata nahin jaata main sirf jodta hoon

sannatton ko ab shor mein badla hai maine

zakhmon ko bhi ek chaadar se dhaka hai maine

tu ab waapis mat aana bhulkar bhi warna

mujhe shayad lagega ki main ek chor sa hoon

Sabr kar

sabr kar...suna tha aakhri awaaz mein unke....

aaj tak kiya magar sabr nahin hua

Raat thandi hai..

chal tu bhi soja ab, ke raat thandi hai....

tere ghar mein doodh...mer ghar mein sharaab thandi hai

Teri kasam

deedar e husn ke parinde aaj ud rahe hain
hum teri saanson ki dhun se jud rahe hain
samajh pao agar is paak nazar ke iraadon ko tum
main baadalon mein garmi kar doonga teri jaan ki kasam

khaak kaate hain jo waqt kaate hain tere bagair
tujhse suljhunga zindagi main sare dopahar
phir mat sochna ke kya achha tha ya bura
dosh humne bhi diye hain khudko mujhe bhagwaan ki kasam

jab se tu ho gayi hai us bheed mein shamil
aaj bhar aayi hai aankhen, na main katil na tu katil
gali mein nikale tu to log chand samajh lete hain
main tujhe heera samjha mere imaan ki kasam

bahut nazren hain nazron mein nazar hamari
ban jaayegi teri gali mein aaj kabar hamari
mat sochna ke main zinda nahin hoon
bhez dena mujhe aa jaunga waapis, mujhe tere farmaan ki kasam

chalo jo hua jaane do
waqt karta hai wafa jaane do
main reh loonga isi khwaab mein jo poora nahin hua
hota bhi to main mar jaata mujhe apni zubaan ki kasam..

Mujhe jeene ka mann hai

kya likhun ye soch raha hoon ab

in shaayron ne sab likh daala hai

mere paas kuch bacha nahin lekin

aaj likhne ka mann hai..

subaha uthta hoon kaam karta hoon

khana peena meetings aur phone

waqt jaise bahut sasta sa lgta hai

aaj ise bikne ka mann hai..

shaam hoti hai dost laut aate hain kaam se

sab apni kahani sunate hain aur guftgu chalti hai

roz ki baaten hain roz ke kisse hain

shayad in baaton ko nikalne ka mann hai

waqt phir nikla aur suraj doob jaata hai

shor kam ho jaata hai aur phir tham jaata hai

iski baat uski baat sunte hue shayad dil ghabrata hai

shayad ise behak jaane ka mann hai..

thoda haste hain, thoda jhagadte hain

thoda khate hain thoda peete hain

kab tak chalega ye sab zindagi se ladna

mujhe aaj laut jaane ka mann hai...

sab kuch hai aur kuch bhi nahin hai

ronak hai to mele hain warna hum akele hain

ye likhne se hi chain milta hai ab to

ismein aaj doob jaane ka mann hai..

bure kaam achhe kaam, main hairaan kabhi tu hairaan

tang si hai zindagi jagah chahiye

samet li hai jo is tanaav ne

aaj is janzaal ko kaatne ka mann hai..

chalo aaj ye panne palat deta hoon

chalo aaj ye zindagi badal deta hoon

kuchh alag karne ka sochta hoon

mujhe aaj phir jeene ka mann hai....