Hum Aazad hain??

Roz log marte hain, roz log jeete hai

hum azaad hain

corruption mein pale bade hain,corruption mein peete hain

hum azaad hain

sadak par bina license   ke nikalte hain bike pe

100 rs dete hain, hum azaad hain

pension nahin aayi, chappal gheeste hain

cut dete hain, hum aaazaad hain

munna bhai dekhte hain, bas gundda banana jaante hain

gandhigiri ko badnaam karte hain hum aazaaad nahin

har tuesday etc mandir jaate hain

parshaad chadhate hain, hum aazaad hain

business meeting mein jaate hain

ghoos dete hain business laate hain

hum aazaad hain

dry day hai, daaro dhoondte hain

black mein peete hain, hum azaad hain

munh pe mithu bante hain, peeth pe thokte hain

sochte hain ke sartaaz hain aur hum azaad hain

metter se chale ya na chale thoda zaldi hai

50 rupees faaltu le lena, hum azaad hain

saala mara-mara ke pet bharte hain, waat lag jaati hai

din bhar thak ke so jaate hain, hum aazaad hain

koi kare to bhi bura, na kare to bhi bura

kahaan se aayegi achhai, magar hum azaad hain

sab ladkyion ko ek nazar se dekhte hain

kya bolun ismen sab jaante hain, phir bhi hum azaad hain

pursuing MBA likhte hain aur job pa lete hain

client ko sapna dikhate hain aur hum aazaad hain

ticket confirm nahin hui, TT ke paas jaate hain

wahaan bhi khilaate hain magar hum aazaad hain

roz marte rehte hain jeene ki liye, phir bhi udaas hain

kya paisa hi sab cheezon ka hal hai, kya koi cheez nahin hai jo bik nahin sakti

sab jaante hain insaaniyat ki paribhasha

phir bhi anjaan hain

isiliye hum aaj shayad azaad hain

waqt sabko sikhata hai aur dikhata hai

kya humne kabhi sheeshe mein khudko dekha hai

ke kaise lagte hain hum ek jhooth ke putle

har taraf jalan hai, andhera hai

kya zameer hamara naapaank hai.....

sry...but dil pe mat le yaar...chill

sach ye hai ke ..hum apne aap se naaraaz hain

Maile hain ye Cheerag inhen roshan kardo

Yunhi bujhe bujhe se the aur yunhi bujh gaye
ye chirrag bahut maile se hain, inhen roshan kar do

kaali raat mein jo dikhate hain raasta
maili chaarpai, sooni daastan
ek chaadar to daalo, inhen makhmal kardo
maile se hain chiraag, inhen roshan kar do

so jaana munasib nahin hoga abhi waqt baaki hai mera
dekhenge tamaashe ye kasoor hai fitrat ka
na uljho is tamashe mein itna ke sangeen kardo
maile hain kuch cheerag, inhen roshan kardo

chalo waqt se na khelo so jaane do
is neend ke samandar mein doob jaane do
mere khyaalon mein aakar mujhe rangeen kardo
maile hain kuchh cheerag inhen roshan kardo

gehri neend lun ya chhoti neend lun
ye neend bhi tukdon mein aati hai huzur
mere sirahne thoda sa paani rakhdo
maile hain kuchh cheerag, inhen roshan kardo

tum bhi doobo ismen ab main so chuka hoon
mat socho ke likh raha hoon, main so chuka hoon
meri rooh ko aaz tum zameen kardo
maiel hain kuch cheerg, zara roshan kardo

Zinda

Lekar sapne apni aankhon mein chale ujaalon ki aur
kadam zahaan pade wahaan raaste ho gaye
dil ko agar baandh kar na rakho to zinda ho tum

is shor mein bhi ek sangeet agar tum sun pao
is dariya ke paani mein agar tum tar jao
jeene ka agar shauk hai to zinda ho tum

sab darwaaze jo band hain khol do unko
sab shaks jo weham karte hain boldo unko
agar soch se aage kar paaye to zinda ho tum

saahil ko rehta hai ek tinke ka sahaara
na bano maajhi aur na bano kinara
ban jao agar samandar to zinda ho tum

Mere Khayaal

Aao mere khayalo tumse kuchh baaten kar loon
apne kuchh to kaam adhoore, poore kar lun..

main hoon tanha, tum bhi ho ,chalo sab milte hain
kahin door aaj jahaan bhi bolo, hum milte hain
tum hi bolo shuru karo kuch, ya main karlun

aao mere khyalo........kuchh baaten karlun

din hai mera raat tumhari, wo saari saugaat tumhari
dhalte dhalte dhal jayegi ye umar bhi saari
jaane se pehle main apna kuchh naam to karlun


aao mere khyalo......kuchh baaten karlun

main na badla, tum bhi na badle, waqt hai badla
kabhi saath raha kabhi door raha, har shaqs hai badla
aao in sab logon ke main chahre padhlun...

aao mere khyalo....kuchh baaten karlun..

jeena kya hai marna kya hai, sab karte hain
kabhi aise to kabhi waise, haan sab marte hain
tumko main in dharkano mein zinda rakhlun

aao mere khyalo....kuchh baaten karlun

No Smoking

Kharida, jalaaya, piya aur bujhaya

peete hi saara jahaan bhulaya

kuchh nahin hai khaas ismen

bas zor se kheecha aur dhuan udaaya...

peete dekha hai, pilate dekha hai

phoonkte dekha hai aur bujhate dekha hai

kisi ne gusse mein ise piya aur

kisi ne pyaar se ise sulgaya

kya mila kisi ko pata nahin ismen

magar sab kehte hain ke khoob maza aaya...

kisi ne sone ke liye piya aur kisi ne ise jaagne ke baad uthaya

kabhi bhala to kabhi bura farmaya

magar aaj bhi main samajh nahin paata hoon ke

peene ke baad ise kisi ne kya paaya

magar baat ek aur bhi hai ke jisne nahin piya

usne bhi hoga kabhi dhuan udaya..

ye cigarette hai dosto jiski main baat kar raha hoon

chhodne ka mann nahin tha magar chhodi

kyonke mere biwi ne aate hi

'No - Smoking' ka board lagaya..

Tum bhi mat peena dosto ye aadat buri hai

isi liye company waalon ne bhi ise

injurious to health bataya...

Jaanta hoon ke mushkil hai magar

yahi hai jisne hamen apne jism ka dushman banaya

dikha dete hain ab ke hum ghulam nahin hai iske

us mulk ke aazaad hain jahaan

baapu ne hamaare dushmaon ko maar bhagaya

Smoking kills....!!

Ye Dilli hai mere yaar

ye dilhi hai mere yaar

bas ishq muhabbat pyaar

ko aage se aur koi peeche se

pata nahin kab karega waar

isiliye jeena hai to

sabko goli maar

ye dilli hai mere yaar...

BPO, IT, Online media aur akhbaar

sab bik chuke hain sare baazar

jo bikta hai wo dikhta hai

bas paisa phenko yaar

ye dilli hai mere yaar..

footpath par log, sadkon par gaadiyan, aur metro hai tayyaar

sab jagah mele lage hain aur polluted hai sarkaar

bacha kar rakhna apne aap ko yahaan

kabhi bomb girega, aur kabi kabhi deewar

ye dilli hai mere yaar...

dost bhi bahut milenge, dushmanon ki magar hogi bauchhar

raat ke andheron mein doob jaoge disco mein

ladkiyan karengi nazron se vaar

bach gaye to theek hai, phas gaye to hoga balaatkaar

ye dilli hai mere yaar...

in cheezon se agar bachkar nikle

to khoob chalega vyapaar

hindu ho muslim ho ya ho sardaar

aao hum milkar ise khoobsurat banayen

ban jayen hum khuddar

chalo dilli mere yaar, karo ishq mohabbat pyaar..:)

Message to Ghalib

kya kahenge gaalib usko jo saans atki hai uski umeed mein

kya ise sulagne doon ya tham jaane doon main

gehra hai ye sanson ka rishta bhi gaalib

jise na naam milta hai na pehchaan milti hai

tu hi bata ye jo dehak raha hai mere seene mein wo raag

ise gaaun ya ras jaane doon main

aasman mein aaj bijli hai barsaat shayad kam hai

unka bhi haal dekho bas garaz hai baras kam hai

tu bata is rishte main agar karvahat hai

to kya use badh jaane dun main

ehsaas karoon to kho deta hoon khud ko

ehsaas na karoon to aankhen namm hain

wo koi hai lagta hai uske peeche mujhe jo pehchanta hai

usi ka khel hai ye sab, kya use nikal jaane doon main

ye ek alag sa sauroor hai mujhe jise main baant nahin sakta

ise byaan nahin karta aur kar bhi nahin sakta

jisne mujhe peena sikha diya

use kaise hosh mein aa jaane doon main

ab tu bhi pee le gaalib shayari meri sehan karni padegi

kabhi saala is paar to kabhi us paar hai

tune hi to silsila shuru kiya tha shayari ka

ab bol ke haara tu warna tujhe bhi kaise so jaane doon main