Wo mujhse kehti thi ke main kyun use yaad karoon
bachpana, shikayat, chahat , pyaar
sab milkar bani thi wo,
kaise na yaad karoon
har pal zindagi jeene ki chahat
apne khayaal apni ibaadat
door se dekhoge to phool thi
paas jaate hi aafat
gussa kuch is tarah tha ke jaise toofan
kabhi insaan to kabhi haivaan
surat bholi naak chhoti
aur naak par gusse ki choti
haste hue phool bahaar ke
rote hue geet pyaar ke
har jhalak uski shaayari thi
main likhta gaya use dekhte - dekhte
ziddi thi bas upar se
dil uska bhi halka tha
isiliye shayad mera pyaar use jhalka tha
samajhana to chhod do, samajhne ki baat nahin
yun samjho use jaise ke duniya mein kabhi raat nahin
sapne hain bahut, sab uljhe hue dhaagon ke the jo nishan
sulajhne ke liye waqt nahin tha to ulajhte gaye
magroor bahut the iraade uske, kabhi naram to kabhi nokeele
zindagi mushkil bhi nahin thi, magar dil ne kaha chal aaj peele
na wo shauk tha na wo aadat meri
socha tha ke aakhri jaam, samajh kar use pee len
kahaan le jayegi ye gaadi mujhe nahin tha koi ehsaas
wo mujhe kaehti thi pyaar se aaj karte hain mulakaat
silsilay yun chale khud ko main kho aaya hoon
aag jalte hue paani mein laga aaya hoon
No comments:
Post a Comment